Ölən hər uşağa görə bütün dünya günahkardır

Bölmə: Siyasət › ,
Tarix: 11:01 11.07.2017

Azərbaycan Avropa Hərəkatı Füzuli rayonunun Alxanlı kəndində baş verən faciə ilə bağlı bəyanat yayıb.

İnformator.az-ın məlumatına görə, bəyanat Beynəlxalq Avropa Hərəkatının baş ofisinə, eyni zamanda hərəkatın 41 ölkədə fəaliyyət göstərən nümayəndəliklərinə və beynəlxalq təşkilatlara göndərilib.

Bəyanatda qeyd olunur ki, hər zaman sülh tərəfdarı olan Azərbaycan xalqı və dövləti Alxanlı kəndində olan qanlı hadisə ilə provokasiyaya çəkilir.

“Bu günəcən Azərbaycan dövləti heç bir halda başqa ölkənin sərhəd qanunlarını pozmayıb, heç bir halda hansısa xalqın torpağına göz dikməyib və savaş tərəfdarı olmayıb. Buna baxmayaraq qonşu Ermənistan Azərbaycan torpaqlarını qanunsuz olaraq zəbt edib. Və atəşin dayanılması ilə bağlı hər iki tərəfin razılığı ilə elan olunan “Atəşkəs” rejimini illərdi pozaraq Azərbaycan torpaqlarında yaşayan dinc sakinlərin gərgin, səksəkəli yaşamasına və günahsız insanların ölümünə səbəb olur. İyunun 6-sı yenə eyni hal təkrarlandı. Evində oturduğu yerdə bir ailənin həyatı məhv edildi. İki yaşlı körpə nənəsi ilə birgə öldürüldü, anası ağır yaralandı. Xüsusən Azərbaycan dövlətinin sülhə üstünlük verməsini dəfələrlə vurğuladığından dərhal sonra bu cür qanlı əməliyyatın həyata keçirilməsi Ermənistan tərəfinin sülh yolunu seçmədiyini ifadə edir. Azərbaycan vətəndaşları və humanist bəşəriyyət Beynəlxalq təşkilatların bu hadisəyə obyektiv qiymət verməsini, beynəlxalq hüquq normalarını pozan Ermənistan dövləti ilə bağlı lazımi mesajların verilməsi və tədbirlərin görülməsini gözləyir. Təbii ki, bu tədbirlərin başında erməni hərbi birləşmələrinin zəbt etdiyi Azərbaycan torpaqlarından şərtsiz çıxması və bir daha təcavüz mesajı verən atəşlər açmaması dayanır. Bu baş verməyəcəyi təqdirdə ölən hər uşağa görə bütün dünya günahkardı. Biz artıq soyuq diplomatiyanı bir kənara qoyub insanlığın çatmış ölduğu humanizim pəncərəsindən həyata boylanmalı, bəşəri sülhnə nail olmalıyıq", - bəyanatda qeyd edilib.

Bildirilib ki, əldə ediləcək uğurun açarı ədalətli qərarların icrası üçün terror yolu seçən Ermənistan kimi dövlətləri zərərsizləşdirməkdən keçir.



71 dəfə oxunub
Bölmədən digər xəbərlər
Ölən hər uşağa görə bütün dünya günahkardır
Hər zaman sülh tərəfdarı olan Azrbaycan xalqı və dövləti Alxanlı kəndində olan qanlı hadisə ilə provokasiyaya çəkilir.
Ramin Hacılı siyasi fəaliyyətinə son verib və “Ümid" partiyasından ayrılıb
Son 15 ildə ilk dəfə olaraq “Ümid” heç bir nümayəndə ilə Parlamentdə təmsil olunmadı.