ABŞ-də ekstremal hava şəraiti 15 nəfərin ölümünə səbəb olub

ABŞ-nin beş ştatında qeyri-sabit hava şəraiti – tufan, daşqın nəticəsində azı 15 nəfər həyatını itirib. Bu barədə The “Washington Post” məlumat yayıb.

Məlumata görə, ən çox ölüm halı Tennessi ştatının qərb hissəsində baş verib. Dağıntıların əsasən Arkanzasdan Kentukkiyə qədər olan ərazilərdə cəmləşdiyi bildirilir.

ABŞ-nin Milli Meteoroloji Xidməti isə vətəndaşlara həyati təhlükə yaradan daşqınlarla bağlı xəbərdarlıq etməyə davam edir.

Mənbə: Caliber
Aytən Ağazadə