ABŞ-ın Kaliforniya ştatında təyyarə qəzası: 6 nəfər ölüb

ABŞ-ın Kaliforniya ştatında tarlaya düşən təyyarədə 6 nəfər ölüb.

İnformator.az NTV-yə istinadən xəbər verir ki, rəsmilər Las-Veqasdan havaya qalxan təyyarənin ştatın cənubunda hava limanı yaxınlığında qəzaya uğradığını və alovlar içində qaldığını bildirib.

Riverside Rayon Yanğından Mühafizə İdarəsindən verilən açıqlamada, qəzaya uğrayan təyyarənin qruplar tərəfindən tapıldığı və içərisində olan 6 nəfərin hadisə yerində öldüyü bildirilib.

Qeyd olunub ki, ABŞ Milli Nəqliyyat Təhlükəsizliyi Şurası (NTSB) və ABŞ Federal Aviasiya Administrasiyası (FAA) qəza ilə bağlı araşdırma aparır.