AMB 2 şirkətin vəzifəli şəxslərini cərimələyib

Azərbaycan Mərkəzi Bankı (AMB) valyuta mübadiləsi xidməti göstərən "Money Shop" və MMK-014 MMC-lərin vəzifəli şəxslərini inzibati məsuliyyətə cəlb edib.

"İnformator.az" "Axar.az"a istinadən xəbər verir ki, AMB-dən verilən məlumata görə, qurumun apardığı cari nəzarət prosesləri çərçivəsində valyuta tənzimi qanunvericiliyinin tələblərinin pozulması aşkarlanıb.

Odur ki, hər iki şirkətin vəzifəli şəxsləri ayrı-ayrılıqda Bakı Şəhəri Nəsimi Rayon Məhkəməsinin qərarı ilə İnzibati Xətalar Məcəlləsinin 602.4-cü maddəsinə müvafiq olaraq, 1 000 manat cərimələnib.