Avropa oyunları Bakıdan Sumqayıta getmək istəyənlərin yolunu qısaltdı

Yeni qatarlar Bakıdan Sumqayıta 20 dəqiqəyə çatacaq.

Qatarların 2-si artıq Bakıdadır. 4 vaqondan ibarət olan ikimərtəbəli qatar 919 sərnişin tutumuna malikdir. Sərnişinlər wi-fi sistemi, kondisioner və digər vasitələrdən istifadə edə biləcəklər. Avropa Oyunları ərəfəsində qatarlar qonaqları, idmançıları sərnişinləri Bakı sərnişin stansiyasından Koroğlu metrostansiyasına qədər aparıb gətirəcək.

Oyunlardan sonra isə yeni qatarlar Bakı-Sumqayıt istiqamətində xəttə buraxılacaq. Gediş haqqı tarif şurasının qərarından sonra müəyyənləşəcək. Hazırda qatarların hərəkəti üçün təmir işləri gedir. Əsaslı təmiri nəzərdə tutulan 63 km yolun 46 km-i artıq bərpa olunub. Gələcəkdə bu qatarların Gəncə və Xaçmazda da istifadəsi planlaşdırılır. 2016-cı ildə isə daha 3 qatar gətiriləcək.