Ayaqqabısında narkotik vasitə keçirmək istəyən şəxs tutulub
Azərbaycan vətəndaşında 98,609 qram olan narkotik vasitə - tiryək aşkar edilib.
Biləsuvar Gömrük İdarəsinin “Qoşa Təpə” gömrük postunda İran İslam Respublikasından Azərbaycan Respublikasına piyada yolla gələn Azərbaycan vətəndaşı Yalçın Dadaşov saxlanılıb.
Dövlət Gömrük Komitəsindən İnformator-a verilən məlumata görə, gömrük nəzarətindən keçən zaman Y.Dadaşovun ayağındakı ayaqqabının hər tayında gömrük nəzarətindən gizlədilmiş cəmi 26 ədəd büküm, şəxsi yoxlama zamanı isə üzərində 1 ədəd büküm olmaqla, ümumilikdə xalis çəkisi 98,609 qram olan narkotik vasitə - tiryək aşkar edilib.
Faktla bağlı təhqiqat aparılır.
