Azərbaycanda sənədsiz ov tüfənglərinin yığışdırılması davam edir
Vətəndaşlardan müvafiq sənədləri olmayan ov tüfəngləri götürülüb
Daxili İşlər Nazirliyinin (DİN) mətbuat xidmətindən verilən məlumata görə, Qəbələ Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində Çarxana kənd sakini Həsrət Məmmədovdan xaricdə istehsal edilmiş, Yemişənli kənd sakini Baloğlan Qasımovdan “TOZ-20”, Mamaylı kənd sakini Şafiq Zahirovdan isə “TOZ-63” markalı müvafiq sənədləri olmayan ov tüfəngləri götürülüb.
Hər üç faktla bağlı araşdırma aparılır.
TREND
