Bakıda yaşayış binasında yanğın baş verib
Yanğın hadisəsi binanın 14-cü mərtəbəsində qeydə alınıb.
Bakıda yaşayış binasında yanğın baş verib.
İnformator-un Fövqəladə Hallar Nazirliyinin saytına istinadən verdiyi məlumata görə, hadisə Yasamal rayonunda çoxmərtəbəli yaşayış binasında qeydə alınıb.
Binanın 14-cü mərtəbəsinin ümumi dəhlizində vətəndaşa məxsus həcmi 5 litr olan qaz balonunun başlıq hissəsi yanıb.
Yanğın zamanı ev sahibi yüngül yanıq xəsarətləri alıb. Mənzillər yanğından mühafizə olunub.
Yanğın yanğınsöndürənlər tərəfindən söndürülüb.
Faktla bağlı araşdırma aparılır.
