Biləcəridə baş verən yol-nəqliyyat qəzasında 1 nəfər həyatını itirib

Sentyabrın 6-da saat 09:30 radələrində paytaxtın Biləcəri körpüsündə 72-CA-837 dövlət qeydiyyat nişanlı yük avtomobilinin 90-ZY-012 dövlət qeydiyyat nişanlı “Changan” markalı minik avtomobilinin üzərinə aşması nəticəsində yol-nəqliyyat hadisəsi baş verib.

"İnformator.az" xəbər verir ki, Baş Dövlət Yol Polisi İdarəsindən  qəza ilə bağlı məlumat verilib.

Qəza nəticəsində 1 nəfər həyatını itirib, 3 nəfər müxtəlif dərəcəli bədən xəsarətləri alıb.

Faktla bağlı araşdırma aparılır.