Biləsuvarda 3 avtomobil toqquşub

Biləsuvar rayonunda ölümlə nəticələnən ağır yol-nəqliyyat hadisəsinin təfərrüatı və yaralıların vəziyyəti məlum olub. 

"İnformator.az" xəbər verir ki, iki minik və bir yük avtomobilinin toqquşması ilə nəticələnən qəzada bir nəfər həyatını itirib.

Qəza nəticəsində müxtəlif dərəcəli bədən xəsarətləri alan 3 nəfər Biləsuvar Rayon Mərkəzi Xəstəxanasına çatdırılıb.

Onlara bədənin müxtəlif nahiyələrinin əziyi, sınığı və küt travmaları diaqnozları təyin olunub. Xəsarət alanların vəziyyəti ağır olaraq qiymətləndirilir.