Bretona ABŞ viza qadağası
Vaşinqton keçmiş Aİ-nin texnologiya üzrə komissarı Tyerri Breton və daha dörd avropalı fəalın ABŞ ərazisinə girişini qadağan etdiyini açıqlayıb. Breton bu qərarı “Makkarti dövrünün cadugər ovu” adlandırıb.
ABŞ Dövlət Departamenti çərşənbə axşamı keçmiş Avropa İttifaqı komissarı və daha dörd şəxsə viza qadağası tətbiq edib. Onlar Amerika sosial media platformalarını istifadəçiləri və onların baxışlarını senzura etməyə məcbur etməkdə ittiham olunurlar.
ABŞ dövlət katibi Marko Rubio bildirib ki, viza qadağasına məruz qalan beş nəfər “qarşı çıxdıqları Amerika baxışlarını senzura etmək, monetizasiyasını dayandırmaq və sıxışdırmaq üçün Amerika platformalarına təzyiq göstərən təşkilatlanmış səylərə rəhbərlik ediblər”.
Rubio əvvəlcə hədəf alınan şəxslərin adlarını açıqlamasa da, ABŞ-nin İctimai Diplomatiya üzrə dövlət katibinin müavini Sara Rocers X sosial şəbəkəsində onları açıqlayıb və həmin şəxsləri “Amerika söz azadlığının senzura olunmasını qızışdırmaqda” ittiham edib.
Ən tanınmış hədəf 2019–2024-cü illərdə Avropa Komissiyasının Daxili Bazar üzrə komissarı vəzifəsində çalışmış fransalı keçmiş biznes rəhbəri Tyerri Breton olub.
“Rəqəmsal Xidmətlər Aktı (DSA) Avropada demokratik şəkildə qəbul edilib… onun heç bir ekstraterritorial təsiri yoxdur və heç bir şəkildə ABŞ-yə aid deyil",- Barro qeyd edib.
Euro news
Zəri Bayramlı
