Epşteyn işi üzrə daha bir milyon sənəd üzə çıxıb

ABŞ-də rəsmilər mərhum maliyyəçi Ceffri Epşteynlə bağlı ola biləcək bir milyondan çox yeni sənəd aşkarlayıb. FBI və Nyu-York federal prokurorları bu materiallar barədə Ədliyyə Nazirliyini məlumatlandırıb. Nazirlik sənədlərin qurbanların kimliyini qorumaq üçün hüquqi redaktələr aparıldıqdan sonra yaxın günlər və həftələr ərzində ictimaiyyətə açıqlanacağını bildirib.

Qeyd olunub ki, bütün sənədlərin yayımlanması bir neçə həftə çəkə bilər. Sənədlər Konqresin qəbul etdiyi və ABŞ-nin Prezident Donald Trampın imzaladığı “Epşteyn Faylları Şəffaflıq Aktı”na əsasən açıqlanır. Yeni materiallar Epşteyn işi üzrə mümkün şəriklər və istintaq qərarları ilə bağlı daxili yazışmaları da əhatə edir.

BBC
Reyhan Quliyeva