Fatih Terim "Panatinaikos"la ilk matçında qalib gəlib

Fatih Terim "Panatinaikos"un baş məşqçisi kimi ilk matçına çıxıb. Terim komandası ilə ilk qələbəsini ilk liqa matçında ‘’PAS Giannina’’-nı 2-0 məğlub edərək əldə edib. 

Yunanıstan Superliqasının 16-cı turunda "Panatinaikos"  "PAS Giannina"nı qəbul edib.

Qarşılaşmaya  effektiv başlayan Terimin komandası  25-ci dəqiqədə Fotis İoannidisin qolu ilə ‘’Giannina’’ ilə görüşdə 1-0 önə keçib.

İlk hissə bu hesabla başa çatsa da, ikinci hissəyə “Panatinaikos” sürətlə başladı. 48-ci dəqiqədə Tonni Vilhena cərimə meydançası xaricindən baxımlı  zərbə ilə fərqi 2-yə çatdırıb.

Sonrakı dəqiqələrdə başqa qol olmadığı üçün “Panatinaikos” meydandan 2:0 hesablı qələbə ilə ayrılıb. Bu qələbə ilə xallarını 37-yə yüksəldən “Panatinaikos” 38 xalla ‘’PAOK’’- dan sonra ikinci pillədə qərarlaşıb.

Ayaz Zeynalzadə