Hakimlər Tramp administrasiyasının Kaliforniyanı poçt bülletenlərini kənara qoymaq cəhdinə şübhə ilə yanaşırlar

ABŞ Apellyasiya Məhkəməsinin üç hakimdən ibarət heyəti Ədliyyə Nazirliyinin (DOJ) Kaliforniyadakı aralıq seçkilərində qeyri-vətəndaş olduğundan şübhələnilən şəxslərin poçt bülletenlərinin kənara qoyulması tələbinə ciddi şübhə ilə yanaşıb. Tramp administrasiyası satın alınmış seçici siyahılarına əsaslanaraq 20,000 qeyri-vətəndaşın səs vermiş ola biləcəyini iddia edir və bülletenlərin təcrid olunmasını istəyir. Artıq 300,000-dən çox bülleteni emal etmiş Los-Anceles dairəsi və Kaliforniya ştatının vəkilləri isə bu siyahının etibarsız və köhnəlmiş olduğunu, federal hökumətin davam edən demokratik prosesə müdaxilə etməyə çalışdığını bildiriblər.
Dinləmə zamanı hakimlər Mark Bennet və Qabriel Sançes Ədliyyə Nazirliyinin təqdim etdiyi siyahının etibarlılığını və dairə məhkəməsinin qərarını gözləmədən apellyasiya müraciəti etməsini sorgulayıblar. Bennet Konstitusiyaya əsasən seçkiləri idarə etmək səlahiyyətinin ştatlara aid olduğunu vurğulayıb. Digər hakim Patrik Bumatay isə administrasiyanın arqumentlərinə daha çox rəğbət nümayiş etdirərək səsvermənin dürüstlüyünün necə araşdırılacağı ilə maraqlanıb.

Səkinə Musayeva

Mənbə:CNN