Hakkari çölündə 348 kiloqram narkotik ələ keçirilib
Hakkaridə jandarm qruplarının narkotik tacirlərinə qarşı keçirdiyi əməliyyatda 348 kiloqram narkotik maddə ələ keçirilib.
Daxili İşlər Naziri Əli Yerlikaya sosial media hesabından Yüksekova Respublika Prokurorluğu və Jandarma Baş Komandanlığının Narkotik Cinayətlərlə Mübarizə İdarəsi ilə koordinasiyalı şəkildə böyük əməliyyat keçirildiyini açıqlayıb.Hakkari İl Jandarma Komandanlığının Kəşfiyyat və Narkotiklərlə Mübarizə Şöbəsi qruplarının apardığı kəşfiyyat işləri nəticəsində, Yüksekova çölündə həyata keçirilən əməliyyatda 332 kiloqram skunk və 16 kiloqram metamfetamin ələ keçirilib.
TRT XƏBƏR
Selcan Xudiyeva
