İraqda yaşayan sünnilər İbadiyə müraciət edib

İraqda yaşayan sünnilər ölkənin şərqindəki Diyala vilayətindəki təhlükəsizliyin dövlətin nəzarətindən kənarda olduğunu ifadə edərək məsələ ilə bağlı Heydər əl-İbadiyə müraciət edib.

İnformator.az xarici mətbuata istinadla məlumat verir ki, İraq təmsilçilər məclisindəki ən böyük sünni qrupu “İraq qüvvələri koalisiyası” adından mətbuat konfransı keçirən millətvəkili Raad ed-Dehleki “Diyalaya sabitlik gələnə qədər bu şəhərdəki təhlükəsizliyə məhz baş nazir İbadi tərəfindən idarə edilməsini istəyirik. Oradakı silahlar hələ də dövlətin nəzarətindən kanrdadır və şəhərin silahlardan təmizlənməsi lazımdır”,-deyib.