İşıq dirəyinə çırpılan maşın aşıb, bir nəfər ölüb
Avtomobildə sıxılmış vəziyyətdə qalmış sərnişin çıxarılıb.
Fövqəladə Hallar Nazirliyinin “112” qaynar telefon xəttinə daxil olmuş məlumata əsasən, Yasamal rayonunda vətəndaşa məxsus “Nissan” markalı minik avtomobili işıq dirəyinə çırpılaraq aşıb.
Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub. Xilasedicilər avtomobildə sıxılmış vəziyyətdə qalmış sərnişini çıxarıb və aidiyyəti üzrə təhvil verib.
*****
Bakı şəhər sakini Muxtar Mehdiyev idarə etdiyi “Nissan” markalı avtomobildəki sərnişinlərdən həmyerlisi Xalid Umudov xəstəxanaya aparılarkən ölüb, özünə və digər sərnişininə xəstəxanada ilkin tibbi yardım göstərildikdən sonra buraxılıb. Yasamal RPİ tərəfindən araşdırma aparılır.
