Lənkəranda avtomobil piyadanı vuraraq öldürüb

Lənkəranda avtomobilin vurduğu piyada ölüb.

"İnformator.az" APA-ya istinadən xəbər verir ki , hadisə rayonun Lənkəran-Masallı-Boradigah magistralında, Lənkəran rayonunun Girdəni kəndi ərazisində qeydə alınıb.

Hərəkətdə olan "Mercedes" markalı minik avtomobili, avtobusdan düşüb yolu keçmək istəyən kənd sakini 1968-ci il təvəllüdlü Ruhəngiz Babayevanı vurub. Hadisə yerinə çağrılan təcili tibbi yardım xidməti ağır xəsarət alan qadını Lənkəran Rayon Mərkəzi Xəstəxanasına çatdırmağa çalışsa da, həkimə qədər ölüm faktı qeydə alınıb.

Faktla bağlı araşdırma aparılır.