Merz Vaşinqtona gedir: Trampla rüsumları müzakirə edəcək

Almaniya kansleri Fridrix Merz Vaşinqtona səfər edəcək.

"İnformator.az" xəbər verir ki, bunu Merz ARD telekanalına müsahibəsində açıqlayıb.

Merzin sözlərinə görə, o, ABŞ Prezidenti Donald Trampla gömrük rüsumlarını müzakirə edəcək.

O vurğulayıb ki, ABŞ prezidenti ilə müzakirələrdən əvvəl Avropa Birliyi daxilində fikir mübadiləsi aparılacaq.

Merz əlavə olaraq qeyd edib ki, bu rüsumlar ilk növbədə, onları tətbiq edən ölkəyə ziyan vurur.

Kanslerin fikrincə, Almaniya da ixracın azalması səbəbindən çətinlik yaşayır, lakin daha böyük zərəri ABŞ istehlakçıları görür.