Məktəb yataqxanasındakı yanğında 19 şagird həlak oldu

Cənubi Amerika ölkələrindən biri olan Qayanada məktəb yataqxanasında 19 şagirdin ölümü ilə nəticələnən yanğın hadisəsi baş verib. 

İnformator.az BBC-yə istinadən xəbər verir ki, hadisənin baş verməsinə səbəb mobil telefonu əlindən alınan şagirdin yanğın törətməsidir.

Yataqxananın hamam hissəsində başlayan yanğın daha sonra 57 tələbənin qaldığı binanı tamamilə bürüyüb. Ölənlər yataqxananın qapısı qıfıllı və pəncərələri dəmir qorumalı olduğu üçün içəridə məhkum qalıb.

Qeyd edək ki, Qayana prezidenti İrfaan Əli yanğını "böyük fəlakət" adlandırıb.

Nigar