"Neftçi" Albaniya klubu ilə qarşılaşacaq
"Neftçi"nin yoxlama oyununda üz-üzə gələcəyi komandalardan biri dəqiqləşib. "Ağ-qaralar" Albaniyanın "Partizani" kollektivi ilə üz-üzə gələcək. Qarşılaşma yanvarın 9-da baş tutacaq.
Komandanın oyuna hazırlıq prosesi ilə bağlı Neftçi PFK-nın Mətbuat katibi Emin Əfəndi İnformator.az saytına açıqlama edib.
"Qarşıdakı qış təlim-məşq planını Türkiyənin Antalya şəhərindəki Belek bölgəsində keçirəcək komandamız yanvarın 4-dən 14-dək “Gloria Sport Arena”da məskunlaşacaq".
Müsahib ilk yoxlama matçı haqqında da məlumat verib:
"Kollektivimiz ilk yoxlama görüşünü yanvarın 6-da Türkiyə 1-ci liqa təmsilçisi “Erzurumspor” komandasına qarşı keçirəcək".
Emin Əfəndi sonda qeyd edib ki, yanvarın 13-nə nəzərdə tutulan digər yoldaşlıq görüşündə isə qarşılaşacaqları rəqibin kimliyi hələlik məlum deyil.
Zəhra Həsənova
