Paytaxt sürücüləri Yay Olimpiya oyunlarına xüsusi hazırlaşır. Dövlət Avtomobil Nəqliyyatı Xidməti avtobus və taksi sürücüləri üçün vahid uniforma hazırlayır

Paytaxt sürücüləri Yay Olimpiya oyunlarına xüsusi hazırlaşır. Dövlət Avtomobil Nəqliyyatı Xidməti avtobus və taksi sürücüləri üçün vahid uniforma hazırlayır. Aidiyyatı orqanlara 6 nümunə təqdim edilib. Olimpiyadada iştirak edəcək sürücülərin geyimləri fərqli olacaq. Olimpiya oyunlarına hazırlıq bununla bitmir. Avtobus sürücüləri oyunlarla bağlı tədris kursunu başa vurub. Hazırda taksi sürücüləri hazırlığa başlayıblar. Dövlət Avtomobil Nəqliyyatı Xidmətinin əməkdaşı Əmrah Cəfərov sürücülərə etik davranış qaydaları ilə bərabər yol hərəkəti qaydaları da öyrədilir. Qonaqların qarşılanması, sxemlərlə istiqamətlər üzərində iş gedir. Olimpiya oyunları zamanı nəqliyyata nəzarətlə bağlı məsul şəxslər də müəyyən olunub. Dövlət avtomobil nəqliyyat xidmətinin tərkibində olan idarə və müəssisələrin əməkdaşlarından ibarət 300 nəfərlik siyahı tərtib olunub. Nəzərdə tutulan avtobus və taksilər də tezliklə paytaxta gətiriləcək