Perth sahillərindən görünən sirli ada: Wadjemupun ikiüzlü hekayəsi

Perth sahillərindən, Avstraliyanın cənub-qərbində üfüqdən qalxan uca mavi təpə görünür. Bəzi günlər o qədər yaxın görünür ki, sanki ona toxuna bilərsən. Digər günlərdə isə duman və ya keçən gəmilər onu gizlədir.

“Müəyyən vaxtlar görünmək istəyir, müəyyən vaxtlar isə kölgələrdə gizlənir”– , deyə Glen Stasiuk bildirir. O, Murdoch University-də müəllimdir və 2014-cü ildə çəkilmiş Wadjemup: Black Prison — White Playground sənədli filminin rejissorudur. “Bu bir varlıq kimidir. Onun ürək döyüntüsü var".

Rottnest Island -yerli aborigen Noongar xalqının dili ilə desək, Wadjemup - Fremantle sahilindən 19 kilometr (11.8 mil) aralıda yerləşir. Hər il 800 mindən çox insan onun ağ qumlu çimərliklərindən, şəffaf sularından və yerli kvokka adlı şirin, “Instagram”da məşhur olan, selfilərdə sanki gülümsəyən kisəli heyvanından zövq almaq üçün buraya səfər edir.

Cnn news
Ədilə Hüseynzadə