"Qarabağ" dünya reytinqində 12 pillə geriləyib

Beynəlxalq Futbol Tarixi və Statistikaları Federasiyası (IFFHS) klubların yeni reytinqini açıqlayıb.

"İnformator.az" Oxu.Az-a istinadən xəbər verir ki, siyahıda Azərbaycanın dörd təmsilçisi yer alıb.

12 pillə geriləyən "Qarabağ" 137.25 xalla 131-ci sıradadır. 232-ci olan "Zirə"nin (95,75) mövqeyi dəyişməz qalıb.

Dörd pillə irəliləyən "Sabah" (76) 313-cüdür. "Araz-Naxçıvan" (61.25) isə 439-cu ola bilib. Naxçıvan təmsilçisi 7 pillə irəliləyib.