Qrenlandiya və Antarktida buz itirir

Aparılan genişmiqyaslı elmi araşdırma nəticəsində Qrenlandiya və Antarktidanın 1979-cu ildən bəri 12,5 trilyon ton buz itirdiyi məlum olub.

Bu böyük buz itkisi qlobal dəniz səviyyəsinin təxminən 3,2 santimetr yüksəlməsinə səbəb olub. Dörd onillikdən artıq müddətdə aparılan peyk müşahidələrinə əsaslanan araşdırma göstərib ki, buz örtükləri 1970-ci və 1980-ci illərdə nisbətən sabit qalsa da, 1990-cı illərdə ərimə prosesi əhəmiyyətli dərəcədə sürətlənib və ən yüksək həddə 2010-cu illərdə çatıb.

Havanın və okeanların temperaturunun yüksəlməsi buzların əriməsinə səbəb olur. Daha isti dəniz suyu buzlaqları aşağıdan əridərək ümumi buz itkisinin təxminən 84 faizini təşkil edir.

Qrenlandiyada Yakobşavn buzlağı hazırda gündə 50 metrədək geri çəkilir. Mütəxəssislər xəbərdarlıq edirlər ki, dəniz səviyyəsinin hər santimetr yüksəlməsi sahilyanı ərazilərdə hər il əlavə 2-3 milyon insanın daşqın təhlükəsi ilə üzləşməsinə səbəb olur.

2020-2023-cü illər arasında qısamüddətli hava şəraitinin təsiri ilə buz itkisi müvəqqəti olaraq azalsa da, alimlər uzunmüddətli ərimə tendensiyasının davam etdiyini vurğulayırlar.

News in Levels

Aysun Xəlilova