Qusarda yük avtomobilinin aşması nəticəsində xəsarət alan şəxslərin vəziyyəti açıqlanıb

Noyabrın 3-də saat 12:40-da Quba-Qusar avtomobil yolunda baş verən yol-nəqliyyat hadisəsi səbəbilə iki nəfər (kişi) Quba Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Bu barədə  “İnformator.az” a Tibbi Ərazi Bölmələrini İdarəetmə Birliyindən (TƏBİB) bildirilib.

Məlumatda qeyd olunub ki, 1979-cu il və 1988-ci il təvəllüdlü şəxslərə epidural hematoma, alın sümüklərinin, sol bazu və sağ əlin sınıqları diaqnozları təyin olunub və zəruri tibbi xidmətlər göstərilib:

“Vəziyyətləri orta-ağır qiymətləndirilən hər iki pasiyentin müalicəsi Reanimasiya şöbəsində davam etdirilir”.