Ərdoğan 1920-ci ildən etibarən mövcud olan sistemi ləğv edib

FETÖ-nun Türkiyədə 15 iyul hərbi çevriliş cəhdindən sonra müzakirə edilən Başyavərlik sistemi üçün prezident Rəcəb Tayyib Ərdoğan qərar verib.

İnformator.az “Haber7”ə istinadən xəbər verir ki, prezidentlik Baş yavəri Əli Yazıcının da çevriliş istintaqı çərçivəsində tutulmasından sonra prezidentin sözçüsü İbrahim Kalın bu vəzifə üçün addım atıla biləcəyini açıqlamışdı. Artıq Ərdoğan bu vəzifənin ləğvi ilə bağlı qərar verib. Bu sistemin ləğvi ilə birlikdə Prezident İqamətgahının təhlükəsizliyi üçün də bir sıra addımlar atılacaq.

Prezident Aparatında bir baş yavər, 4 yavər olub. Prezidentin hər addımında yanında olan baş yavər onun maşınına minən tək insan idi. Başyavərlik 1920-ci ildən bu günə kimi mövcud olan bir sistem idi.