Şəkidə yaşayış binasında yanğın: 10 nəfər təxliyə olunub

Şəkidə yaşayış binasında yanğın olub.

"İnformator.az" "Azərtac"a istinadən xəbər verir ki, hadisə M.Ə. Rəsulzadə prospektində yerləşən beşmərtəbəli binada qeydə alınıb. Tural İsmayılova məxsus üçotaqlı mənzildə baş verən yanğın genişlənməsinə imkan verilmədən söndürülüb. Yanğınsöndürənlər tüstülənmənin artmasını nəzərə alıb binada yaşayan 10 nəfəri təhlükəsiz əraziyə təxliyə edib.

Yanğın zamanı xəsarət alan olmayıb. Faktla bağlı araşdırma başlanılıb.