Saatlıda üzərindən narkotik vasitə aşkar edilmiş şəxslər saxlanılıb

Saatlıda narkotik vasitələrin əldə olunması və saxlanmasında şübhəli bilinən şəxlər şübhəli qismində saxlanılıb.

Onların üzərinə baxış keçirilən zaman narkotik vasitə olan marixuana aşkar edilərək götürülüb. Saatlı Rayon polis şöbəsindən verilən məlumata görə, Mehman Həsənov əvvələr də narkotik vasitələrin əkilib becərilməsi ilə məşğul olduğu üçün məhkumluq həyatı yaşayıb. Keçirilən əməliyyat axtarışları zamanı adı çəkilən digər kənd sakini də şübhəli şəxs qismində saxlanılıb. Rayon polis şöbəsinə gətirilən Elçin Ağayevin üstündən kustar üsulla hazırlanmış narkotik vasitə olan marixuana aşkarlanıb.

Hər iki fakt üzrə cinayət işi açılıb, araşdırma davam etdirilir.