Sabunçuda soyğunçuluq edən şəxslər saxlanılıblar

Sabunçu rayonunda soyğunçuluq hadisəsi baş verib.

"İnformator.az" "Teleqraf"a istinadən xəbər verir ki, bu barədə DİN-in Mətbuat Xidməti məlumat verib.

İki naməlum şəxs zərərçəkənin 3000 manat dəyərində mobil telefonunu zor tətbiq edərək ələ keçiriblər.

Sabunçu RPİ 13-cü Polis Şöbəsi əməkdaşlarının həyata keçirdikləri tədbirlərlə hadisəni törətməkdə şübhəli bilinən 17 və 16 yaşlı Bakı şəhər sakinləri saxlanılıblar.

Faktla bağlı araşdırma aparılır.