Salyanda qəza olub, ölən var

Fövqəladə Hallar Nazirliyinin "112" qaynar xəttinə Salyan rayonunda (Ələt-Astara-İran İslam Respublikası ilə dövlət sərhədi avtomobil yolunun 68-ci kilometrliyi) yol-nəqliyyat hadisəsinin baş verməsi ilə əlaqədar xilasedici köməyinə ehtiyac yaranması barədə məlumat daxil olub.

"İnformator.az" "Teleqraf"a istinadən xəbər verir ki, bu barədə Fövqəladə Hallar Nazirliyinin Mətbuat xidmətindən məlumat verilib.

Məlumatla əlaqədar qəza yerinə nazirliyin ən yaxın xilasetmə qüvvələri cəlb olunub.

Muğan Regional Mərkəzinin xilasetmə qüvvələri tərəfindən həyata keçirilən tədbirlər nəticəsində sürücünün meyiti avtomobildən çıxarılaraq aidiyyəti üzrə təhvil verilib.