Şəkidə ağır qəza: 6 nəfər yaralanıb

Şəkidə 6 nəfərin xəsarət alması ilə nəticələnən yol qəzası baş verib.

“İnformator.az”ın “Report”a istinadən məlumatına görə, hadisə bu gün axşam saatlarında Şəki-Qax avtomobil yolunun rayonun Aşağı Göynük kəndi ərazisindən keçən hissəsində qeydə alınıb.

Belə ki, VAZ-2106 və "Volksvagen" markalı avtomobillərin toqquşması nəticəsində 6 nəfər müxtəlif dərəcəli bədən xəsarətləri alıb. Onlardan üç nəfərinin xəsarəti yüngül olduğundan ambulator müalicə üçün evə buraxılıblar.

Digər üç nəfər - "Volksvagen"in sürücüsü 75 yaşlı Məmmədəli Mənəfov, VAZ-2106-nın sürücüsü 77 yaşlı Ağası Səmədov və sərnişini 42 yaşlı Nazim Məmmədov Şəki Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.