SOCAR fevralda Ceyhan limanından 1,5 milyon tona yaxın neft ixrac edib

SOCAR fevralda Supsa limanından 169 min 215 ton, Ceyhan limanından 1 milyon 473 min 411 ton, Kulevi terminalından isə 14 min 946 ton xam neft ixrac edib. 

Bu barədə İnformator.az-a SOCAR-ın mətbuat xidmətindən məlumat verilib.

Ümumilikdə yanvar-fevral aylarında Novorossiysk limanından 258 ton, Supsa limanından 423 min 264 ton, Ceyhan limanından 2 milyon 984 min 325 ton, Kulevi terminalından isə 14 min 946 ton xam neft ixrac olunub. SOCAR tərəfindən ixrac olunmuş xam neftin göstəriciləri həm Azərbaycan dövlətinə, həm də şirkətin özünə məxsus xam neft həcmlərini əks etdirir.