Türkiyədə terror törədənlərin kimliyi məlum olub

İstanbul Bayrampaşada Çevik Qüvvələrin şöbəsinə hücum edən 2 nəfər saxlanılıb.

İnformator.az “Anadolu” agentliyinə istinadən xəbər verir ki, şöbəyə atılan əl qumbarası partlamayıb, amma terrorçular polislərə atəş açıb. Nəticədə bir polis qolundan, digəri isə ayağından yaralanıb.

Terrorçuların gizləndiyi binada əməliyyat keçirən polis 2 qadını zərərsizləşdirib. Onların İnqilabçı Xalq qurtuluş partiyası- Cəbhəsi (DHKP-C) üzvü Çiğdem Yakşi və Berna Yılmaz olduğu müəyyən edilib.