Tailandın şimal-şərqində tikinti kranı qatarın üzərinə düşüb

Tailandın şimal-şərqində tikinti kranının hərəkətdə olan qatarın üzərinə düşməsi nəticəsində azı 28 nəfər həyatını itirib, 64 nəfər isə xəsarət alıb.

Kranın düşməsi qatarın relsdən çıxmasına səbəb olub və vaqonların bir qismini əzib. Vaqonlardan biri yanğına məruz qalıb.

Rəsmi məlumatlara görə, qəza yerli vaxtla saat 09:00-da (GMT ilə 02:00) baş verib və həmin vaxt qatarda təxminən 195 sərnişin olub.

Xilasedicilər daha sonra bütün sərnişinləri tam şəkildə təxliyə edib, yaralıların çoxu isə bölgədəki xəstəxanalara yerləşdirilib.

Hökumət hadisə ilə bağlı araşdırmaya başlanılması barədə göstəriş verib. Qəza son dövrlərdə təhlükəsizlik boşluqları səbəbilə baş verən bir sıra ölümcül hadisələrdən sonra qeydə alınıb.

BBC NEWS
Banu Məmmədova