Vətəndaşları aldadan şəxs saxlanılıb

İpoteka prosesində kömək edəcəyi vədi ilə vətəndaşları aldadan şəxs saxlanılıb

"İnformator.az" xəbər verir ki, bu barədə Daxili İşlər Nazirliyinin (DİN) Mətbuat Xidməti məlumat yayıb.

Daxil olan müraciətlər əsasında polis əməkdaşlarının keçirdikləri tədbirlərlə 40-a yaxın şəxsi aldadaraq ümumilikdə 35 000 manat vəsaiti ələ keçirən Naxçıvan şəhər sakini, 37 yaşlı Mürsəl Nuriyev saxlanılıb.

Bildirilib ki, onun sosial şəbəkələrdə ev alqı-satqısı adı ilə səhifələr yaratdığı və mənzil almaq üçün ipoteka prosesində kömək edəcəyi vədi ilə vətəndaşları aldatdığı müəyyən edilib.