Yaponiyanın baş naziri 40 il sonra İrana səfər etməyi planlaşdırır

Yaponiyanın baş naziri Şinzo Abe Tehrana səfər etmək barədə niyyətini iranlı rəsmilərə bildirib.

İnformator.az xəbər verir ki, “Nikkei” qəzetinin məlumatına görə, bu baş nazirin İrana 38 il sonra ilk səfəri olacaq. Nəşrin məlumatına görə, səfər ikitərəfli iqtisadi əlaqlərin gücləndirilməsini nəzərdə tutub.

Abe bildirib ki, onu Yaponiyanın sahibkarları və şirkət rəhbərləri müşaiyət edəcək. Səfərin siyasi yolla avqustun 27-28-i Kenyada keçirilən Yaponiya-Afrika inkişaf konfransından əvvəl və ya sonra baş verməsi ehtimal edilir.

İrana son dəfə 1978-ci ilin sentyabrında Yaponiya baş naziri Takeo Fukuda səfər edib.