Zelenski Tramp ilə sülh danışıqları aparacaq

Ukrayna Prezident Volodimir Zelenski Rusiyanın apardığı müharibənin dayandırılması ilə bağlı danışıqlar üçün bazar günü ABŞ-də Prezident Donald Tramp ilə görüşməyi planlaşdırır. Görüşün Florida ştatında keçirilməsi nəzərdə tutulur.

Zelenski bildirib ki, danışıqlar ABŞ-nin vasitəçiliyi ilə hazırlanıb və 20 maddədən ibarət olan sülh planına, eləcə də ABŞ-yə məxsus təhlükəsizlik təminatlarına həsr olunacaq. O qeyd edib ki, planın artıq 90 faizi hazırdır və əsas məqsəd bütün məsələləri tam razılaşdırmaqdır.

Bu arada Kreml də Rusiya rəsmilərinin ABŞ nümayəndələri ilə telefon danışıqları aparıb və danışıqlar prosesinin davam etdirildiyini açıqlayıb. Moskva tərəfi danışıqlarda “tədricən irəliləyiş” olduğunu bildirib.

Zelenski Donbas bölgəsində demilitarizasiya olunmuş iqtisadi zona yaradılmasının mümkün variant olduğunu deyib və Ukraynanın geri çəkiləcəyi təqdirdə Rusiyanın da eyni addımı atmalı olduğunu vurğulayıb.

Danışıqlar fonunda döyüşlər davam edir. Xarkovda Rusiya hava zərbəsi nəticəsində ölənlər və yaralananlar var. Ukrayna hava qüvvələri gecə saatlarında onlarla pilotsuz uçuş aparatını vurub. Rusiya da Ukrayna dron və raketlərinin zərərsizləşdirildiyini açıqlayıb.

BBC
Reyhan Quliyeva