"Qarabağ" "Dinamo Zaqreb"ə qarşı: "...qalib gəlməyi bacaracağıq"-RƏY

Bölmə: İdman › ,
Tarix: 16:04 20.08.2024

Bu gün UEFA Çempionlar Liqasının pley-off mərhələsinin ilk görüşlərinə start veriləcək. Təmsilçimiz "Qarabağ" ilk görüşdə "Dinamo Zaqreb"in qonağı olacaq.

Oyunun necə keçəcəyi barədə "İnformator.az"a proqnozlarını verən futbol eksperti Aslan Kərimov bildirib ki, hansı komandanın daha çox formada olub-olmadığını demək çətindir:

"Onu demək mümkündür ki, "Dinamo Zaqreb" olduqca güclü komandadır, oyuncuları da istedadlıdır. Xorvatiyada olan gənc və istedadlı oyunçuları alınaraq bu komandada oynadılır. Lakin "Qarabağ"ın daha çox qol vurmaq imkanı var, çünki bu komandoda Zubir, Andrade, Juninyo kimi qol imkanları yüksək olan oyunçular oynayır. Amma bu, "Qarabağ"ın  qələbə qazanacağınada imkan vermir, çünki bəzən cinah oyunçuları da hücuma dəstək verir".

Ekspertin fikrincə, "Qarabağ" bu oyunda qalib gələcək:

"Güman edirəm ki, bu üçlü daha çox qələbə qazanmaq imkanına yaxındır. "Dinamo Zaqreb" klubu haqqında onu deyə bilərəm ki hücumlarda güclü olsalar da, əks-hücumlarda yaxalanırlar və "Qarabağ" bundan istifadə edə bilər. Amma bu rəqib komandanın zəif olduğunu deməyə də imkan vermir. Qarabağın zəif yönləri isə son zamanlarda gördüyümüz kimi buraxdığı qollardır. Amma ümid edirəm ki bu oyunda bunun qarşını ala biləcəklər. Bakıdakı oyunda qalib gəlməyi bacaracağıq, çünki "Qarabağ"ın oyunçuları "Dinamo Zaqreb"ə qarşı daha güclüdürlər. Kağız üzərində bəlkə də "Dinamo Zaqreb" daha da yüksək qiymətləndirilir, amma meydançada göstərdikləri performansa görə "Qarabağ"ın oyunçuları daha yüksək səviyyədədir. Bu da əsas verir ki, Qarabağ bu qarşılaşmanı öz xeyrinə həll etsin".

Qeyd edək ki, cavab matçı bir həftə sonra Bakıda Tofiq Bəhramov adına Respublika stadionunda keçiriləcək.

Görüş Bakı vaxtı ilə saat 23:00-da start götürəcək.

Fidan Fərhadlı