UEFA Konfrans Liqası: "Zirə" - "Omoniya"-RƏY

Bölmə: İdman › ,
Tarix: 19:02 20.08.2024

UEFA Konfrans Liqasının pley-off mərhələsinin ilk oyununda Kiprdə "Omoniya" ilə üz-üzə gələcək "Zirə"nin səfər planı bəlli olub. "Zirə" bu gün, saat 16:30-da çarter reysi ilə Larnaka şəhərinə yollanıb.

Keçiriləcək matçla bağlı gözləntilərini "informator.az"la bölüşən Ceyhun Sultanov deyib ki,  "Omoniya" ilə oyun ağır olacaq:

"Düşünürəm ki, bu günkü "Zirə" "Omoniya"nı keçə biləcək gücdədir. Keçirilən oyunlar göstərdi ki, komanda yaxşı hazırlaşıb. "Zirə"nin potensialı var. İnanıram ki, yaxşı oyun keçəcək. Əgər ilk oyunda uğurlu nəticə əldə edə bilsək, ikinci oyunda inanıram ki, istəyimizə nail olacağıq. "Zirə"yə uğurlar arzulayıram".

Qeyd edək ki, avqustun 22-də GPS stadionunda keçiriləcək qarşılaşma Bakı vaxtı ilə saat 21:00-da başlayacaq. Cavab görüşü bir həftə sonra gerçəkləşəcək.

Zəhra Həsənova