"Dinamo Minsk" Sumqayıt stadionunda oynayacaq?-AÇIQLAMA

Bölmə: İdman › ,
Tarix: 16:59 21.08.2024

Ukrayna müharibəsinə görə UEFA avrokubok ev oyunlarını neytral meydanda oynamaq məcburiyyətində qalan Belarus klubları ötən ildə də avropa oyunlarını Bakıda oynayıb. Bu dəfə isə Minsk "Dinamo"su ev oyunlarını keçirmək üçün Sumqayıt FK-ya müraciət edib. Belarus klubu oyunlarını Mehdi Hüseynzadə adına Sumqayıt şəhər stadionunda keçirmək istəyir.

Bu barədə klubun rəsmisi Zaur Xudiyev "informator.az"a açıqlama bildirib ki, ilkin razılıq verdik və danışıqlar davam edir:

"Hazırda müəyyən şərtlər var ki, iki tərəfin, həmçinin üçüncü tərəfin də razılaşdırılması lazımdır. UEFA-da təbii ki, bu stadionunda qrup oyunlarını keçirməyə icazə verilməlidir. Yəni hazırda danışıqlar davam edir. Əgər yekun rəsmi qərar olarsa, bu barədə klub olaraq rəsmi açıqlama yayımlacaq".

Hüseyn İlyasov