" "Qarabağ" Çempionlar liqasına gedə bilməyəcək...."-RƏY

Bölmə: İdman › ,
Tarix: 18:30 21.08.2024

Azərbaycanın çempionlar liqasındakı yeganə təmsilçisi olan "Qarabağ" dünən axşam oynanan matçda Zaqreb "Dinamo"suna səfərdə 3-0 hesabı ilə uduzub. Təmsilçimiz 5 əvəzetmə haqqının sadəcə 1-ni istifadə edib. Bunun əsas səbəbi kimi "köhlən atlar"ın oyunu dəyişə biləcək oyunçularının olmamasıdır.

Bəs ölkə çempionu bu sezon lazımlı transferleri edəcəkmi?

Bu barədə "İnformator.az"a açıqlamasında futbol eksperti Ağa Dadaşzadə bildirib ki, "Qarabağ" heyət baxımından çox ciddi çətinlik çəkir:

"Görünən budur ki, 7-2 hesablı  qalibiyyət, yəni sırf futbol təsadüfi idi. Yəni təsadüfi nəyə deyirəm? Rəqibin sınma anı buraxdığı  qollar. Bu ara-sıra futbolda baş verən bir şeydir. Təbii bir şeydir. Bəli, Yankoviçin zədələnməsi və digər futbolçunun olmaması "Qarabağ"a çox təsir göstərdi və növbəti oyunda sarı vərəqə limitinə görə indi olmayacaq. Qapıçı transferi uğursuz alındı. Qarabağ  həmişə olduğu kimi yenə uğursuz oldu. Dünən ilk qolda Buntiçin səhvindən oldu. Musa Qurbanlı bu gün komandanı arxasınca aparacaq qədər deyil. Yəni Musa Qurbanlı hazırda böyük bir qüvvəyə malik deyil. Mərkəz mövqedə ciddi problem var. Qarabağda yarımmüdafiədə ciddi problem var və Juninyo kimi bir oyunçu lazımdır. Hər mövqeyə bir oyunçu lazımdır. "Qarabağ" çempionlar liqasına düşməyəcək, bu, mümkün deyil. Yenə avroliqada davam edəcəklər. Amma Qarabağ fikirləşir ki, yeni transferlərə pul ayırsınlar, maliyyə ayırsınlar.

Ümumiyyətlə, "Qarabağ" elə komandadır ki, onlar transfer edən  zamanı yeni böyük bir qüvvə ilə irəli atılmırlar. Onlar fikirləşirlər, düşünürlər və əsasən ucuz transfer edirlər. Bundan sonra "Qarabağ" maksimum 1 və ya 2 transfer edər".

 

Hüseyn İlyasov