Maks Verstappen 2025-ci ildə Red Bull-da qalacaq

Bölmə: İdman › ,
Tarix: 18:09 22.08.2024

Alman istehsalçı Andrea Kimi Antonelli ilə də 2025-ci il üçün müqavilə imzalamağa qərar verib.

Mercedes yay fasiləsində bütün variantlarını təhlil edib və Maks Verstapenin transferinin mümkün olmadığı qənaətinə gəlib. Buna görə də 2025-ci ildə Corc Rasselin komanda yoldaşı bu bazar günü 18 yaşı tamam olan Antonelli olacaq.

Mercedes uzunmüddətli perspektivdə Verstappeni komandaya gətirmək ümidini itirmir, lakin holland pilotun Red Bull Racing ilə müqaviləsi 2029-cu ildə başa çatacaq. Maksın müqaviləsində komandanın nəticələri müəyyən səviyyədən aşağı düşərsə, onun komandadan erkən ayrılmasına imkan verən bənd var. Mercedes yeni mühərrik və şassi qaydalarının başlama tarixi olan 2026-cı ildə daha yaxşı mövqedə olmağı gözləyir. Bu, onun 2025-ci ildə olmasa da, 2026-cı ildə və ondan sonra buraya köçməsinə imkan verə bilər.

Məhəmməd Qasımov