Luqano baş məşqçisi Mattia Croci-Torti: "Beşiktaş Fənərbaxçadan daha sürətli oynayır"

Bölmə: İdman › ,
Tarix: 09:49 23.08.2024

UEFA Avropa Liqasının pley-off mərhələsinin ilk matçında "Beşiktaş"la 3-3 bərabərə qalan Luqanoda baş məşqçi Mattia Croci-Torti qara-ağları "Fənərbaxça" ilə müqayisə edib.

UEFA Avropa Liqasının pley-off mərhələsinin ilk matçında "Beşiktaş"la 3-3 bərabərə qalan Luqanoda baş məşqçi Mattia Croci-Torti komandasının geridə qalmasına baxmayaraq yaxşı oyun nümayiş etdirdiyini bildirib.
Matçdan sonra təşkil edilən mətbuat konfransında danışan Kroçi-Torti, "Biz meydana qələbə üçün çıxmışdıq. Futbolçularımı təbrik etmək istəyirəm, yaxşı oynadılar. Rəqibin çox keyfiyyətli futbolçuları var. Şanssız qollar buraxdıq. Mənim komandanın çox xarakteri var, geriyə düşəndə ​​necə dönəcəyimizi bilirdik. Avropada təcrübə qazanırıq və qorxmadan oynayırıq. “Fənərbağça”ya qarşı da belə idi. Evdə oynasaq da, “Fənərbaxça”dan 4, “Beşiktaş”dan 3 qol buraxdıq. Biz bundan dərs almalıyıq. “Beşiktaş” İstanbulda qalib gəlməlidir. Bu, onları təzyiq altında qoyur. 3-3 bizim İstanbula üstünlüklə getməyimizə imkan verən yaxşı hesabdır" dedi.

Croci-Torti UEFA Çempionlar Liqasının seçmə mərhələsində mübarizədən kənarlaşdırıldıqları Fənərbaxça ilə Beşiktaşı müqayisə edərək, "Beşiktaş Fənərbaxçadan daha sürətli futbol oynayır. Topu alanda birbaşa irəli oynayırlar. Fənərbaxça isə əksinə, daha yavaş oynayırlar. Topu aldıqdan sonra Dzekoyu axtarırlar" dedi.

Mənbə: Hürriyet
Fatimə Abdulrəhimli