“Rəqəmsallaşma və yeni kommunikasiya mühiti” mövzusunda elmi seminar-FOTO

Bölmə: MEDİA › ,
Tarix: 10:26 29.10.2024

28 oktyabr 2024-cü il tarixində Bakı Dövlət Universitetində (BDU) “Rəqəmsallaşma və yeni kommunikasiya mühiti” mövzusunda elmi seminar keçirilib.

"İnformator.az" xəbər verir ki, seminarda çıxışı Ankara Universitetinin Sosial Elmlər İnstitutunun doktorantı, BDU-nun Beynəlxalq jurnalistika və informasiya siyasəti kafedrasının saathesabı müəllimi Qoşqar Bəylərov edib.

Seminarda rəqəmsallaşmanın kommunikasiya sahəsinə təsirləri, yeni media mühitinin formalaşması və müasir texnologiyaların jurnalistikadakı rolu ətraflı müzakirə olunub. Eyni zamanda, bu dəyişikliklərin cəmiyyətin informasiya məkanına gətirdiyi yeniliklər və çağırışlar barədə fikir mübadiləsi aparılıb.

Tədbirdə BDU-nun Beynəlxalq jurnalistika və informasiya siyasəti kafedrasının müəllim və doktorantları iştirak edərək mövzu ilə bağlı öz suallarını və təkliflərini bölüşüblər.