Anderson Taliscanın imzadan sonra ilk sözləri-Mənim üçün inanılmaz idi!

Bölmə: İdman › ,
Tarix: 23:04 28.01.2025

“Fenerbahçe” yeni transferi Anderson Talisca, sarı-lacivərtlilərlə 1,5 illik müqavilə imzaladıqdan sonra açıqlamalar verib.

 

Trendyol Super Liqasında zirvədən 6 xal uzaqda olan və mövsüm sonunda çempionluq hədəfləyən “Fenerbahçe” transferə sürətli bir başlanğıc edib. Sarı-lacivərtlilər Diego Carlos və Milan Skriniardan sonra Anderson Taliscanı da heyətinə qatıb. “Fenerbahçe”braziliyalı ulduzla 1,5 illik müqavilə imzalayıb. Talisca imzadan sonra FBTV-yə açıqlamalar verib. Azarkeşlərin onu qarşılama tərzi ilə bağlı danışıb:

 

“Bütün bu görüşlər prosesində yaşananlar çox özəl idi ki, bu da mənim “Fenerbahçe” formasını geyinməyimi təmin etdi. Mənim üçün böyük bir şərəfdir. Çox xoşbəxtəm, əlimdən gələni etmək üçün motivasiyalıyam. Azarkeşlərimizin göstərdiyi sevgi üçün çox təşəkkür edirəm. Mənim üçün inanılmaz idi. Onlara demək istəyirəm ki, bu komandaya dəstək olmağa davam etsinlər. Məncə, çox yaxşı komandamız var və bu klub üçün hər zaman daha böyük uğurlar qazana bilərik”.

 

Komandanın hazırkı vəziyyəti haqqında fikirlərini bildirib:

 

“Məncə, komanda çox motivasiyalıdır və hər oyunda əllərindən gələnin ən yaxşısını edirlər. Dünən mənim üçün etdikləri qarşılama çox özəl idi, qəlbimdə və yaddaşımda yer etdi. Bu klubu təmsil etmək mənim üçün böyük bir şərəf və böyük bir məsuliyyət olacaq”.

 

Mənbə:Hürriyet
Xanım Ağamalıyeva