İranda partlayış niyə baş verib?

Bölmə: Dünya › ,
Tarix: 10:21 28.04.2025

İranın Şəhid Rəcai Şəhər Limanında baş verən partlayışın əks-sədaları davam edir. Ölənlərin sayı 28-ə yüksələrkən, yaralıların sayı 800-ü ötüb. ABŞ mətbuatı partlayışa səbəb kimi "natrium perklorat" adlı kimyəvi maddə olduğunu yazıb.

 

 

Ölənlərin sayı artdıqca, limanda baş verən partlayışın görüntüləri müxtəlif rakurslardan ortaya çıxıb. Partlayışın şiddəti göz qabağında idi. Partlayışın səbəbi barədə Amerikanın “New York Times” qəzeti də yazıb. İran İnqilab Keşikçiləri ilə əlaqəsi olan mənbəyə əsaslanan xəbərdə limanda partlayanın natrium perklorat olduğu bildirilib. Bu maddə partlayıcı maddələrin istehsalında istifadə edilən kimyəvi birləşmə növüdür.

Sözügedən partlayış İranın ən böyük ticarət limanında baş verib. Əslində o dünya neft hasilatının üçdə birinin keçdiyi Hörmüz boğazına çox yaxın idi.Fars Xəbər Agentliyi də partlayışın çox şiddətli olduğunu bildirdi. Hətta onun 50 kilometr uzaqdan eşidildiyini və hiss olunduğunu yazıb.

İran prezidenti Məsud Pezeşkian ölümcül partlayışdan sonra araşdırma aparılmasına göstəriş verib. Liman daxilindəki bütün təhlükəsizlik kameraları yoxlanılacaq, şəxsi mesajlar yoxlanılacaq və şübhəli fəaliyyətlər tək-tək yoxlanılacaq.

 

Mənbə:CNN Türk
Əminə Əliyeva