Hindistanda baş verən seldə ölənlərin sayı 78-ə çatıb

Bölmə: Dünya › ,
Tarix: 19:38 07.07.2025

Hindistanın Himaçal Pradeş ştatında güclü yağışların səbəb olduğu torpaq sürüşmələri nəticəsində həyatını itirənlərin sayı 78-ə yüksəlib.

 

Yeni Dehliyə əsaslanan NDTV telekanalının məlumatına görə, ölkənin şimalında yerləşən Himaçal Pradeş ştatı 20 iyun tarixindən etibarən musson yağışlarının təsiri altındadır.

 

Ştatda yağan güclü yağışlar nəticəsində baş verən sel və torpaq sürüşmələri nəticəsində ölənlərin sayı 78-ə, yaralananların sayı isə 121-ə çatıb.

 

Ştatın müxtəlif bölgələrində 243 yol bağlanıb, 37 nəfərin axtarış-xilasetmə işləri isə davam etdirilir.

 

Hindistan Meteorologiya İdarəsi (IMD) Himaçal Pradeş üçün verdiyi xəbərdarlıqda güclü yağışların 9 iyul tarixinə qədər davam edəcəyini bildirib.

 

TRT XƏBƏR 

Nuray Əliyeva