Fələstinli fermerlərə zülm

Bölmə: Dünya › ,
Tarix: 21:23 04.11.2025

İsrailin zeytun ağacları ilə bağlı problemi nədir?

Zeytun ağacı Fələstinin simvoludur. İndi təkcə məhsuldarlığı ilə deyil, həm də zorakılıq hədəfi olması ilə tanınır. Birləşmiş Millətlər Təşkilatının məlumatına görə, İordan çayının qərb sahilində bu ilki zeytun məhsulu israilli mühacirlər tərəfindən fələstinli fermerlərə hücumların artması səbəbindən son on ildə ən şiddətli məhsula çevrilib.

 

 

Fələstinli fermerlər müharibədən bəri zeytun bağlarına daxil ola bilmirlər. İndi onlar sınmış budaqların, qurumuş ağacların arasında gəzərkən zəhmətlərinin yoxa çıxmasına baxırlar.

 

Fermer ailələrindən biri CNN International-a danışıb. Onlar bildiriblər ki, hücumlar qeyri-qanuni yaşayış məntəqəsində yaşayan işğalçı israilli mühacirlər tərəfindən həyata keçirilib. Ailə, köçkünlərin onlara hücum etdiyini, heyvanlarını zeytun bağlarına buraxdığını və əkinlərini məhv etdiyini təsvir edib.

 

BMT-nin məlumatlarına görə, oktyabrda biçin mövsümü başlayandan bəri fələstinlilərə qarşı ən azı 259 hücum olub. 4000-dən çox ağac məhv edilib. İsrail ordusu tez-tez bölgəni işğal edən köçkünlərə dəstək verməkdə günahlandırılır.

 

Fermerlərdən biri ürək dərmanı çatdırmaq üçün zeytun bağına gedən zaman hücuma məruz qalıb. O, bir israilli mühacirlər tərəfindən döyülüb, sonra iki əsgər tərəfindən yerə yıxılıb. O, tüfəngin qundağı ilə vuruldu və sonra sərbəst buraxılıb.

 

Aydan Əsgərxanlı

CNN Türk