“Kunduz Super Ay”ı bu gecə izlənə biləcək

Bölmə: Maraqlı › ,
Tarix: 17:15 05.11.2025

 

Bu gecə göy üzündə parlayacaq dolunay, 2025-ci ilin ən böyük və ən parlaq super ayı olacaq. “Kunduz Super Ay” adlandırılan bu xüsusi göy hadisəsi, Ayın Yerə ən yaxın mövqeyinə çatdığı dolunay fazasında baş verəcək.

5 noyabr gecəsi Ay, Yerə 356 min 980 kilometrə qədər yaxınlaşacaq. Bu, fevral 2019-dan bəri müşahidə edilən ən yaxın dolunay məsafəsi kimi qeydə alınacaq. Ay bu mövqeyə çatdığında adi haldan bir qədər böyük və daha parlaq görünəcək.

Super ay, Ayın orbitinin ellips (oval) quruluşundan qaynaqlanır. Orbit tamamilə dairəvi olmadığı üçün Ay bəzi dövrlərdə Yerə daha yaxın (perigee), bəzi dövrlərdə isə daha uzaq (apogee) mövqedə olur. Yalnız dolunay və ya yeni ay fazaları bu yaxın məsafələrdə baş verdikdə “super ay” olaraq adlandırılır.

 

Göy müşahidəsi üçün ideal zaman.

 

Günəş batarkən Ayın üfüqdən yüksəlməsi müşahidəçilər üçün təsirli bir mənzərə yaradacaq. Mütəxəssislər teleskop və ya fotoaparatı olanların bu imkanı qaçırmamasını tövsiyə edir.

Noyabr ayındakı dolunay “Kunduz Ayı” kimi tanındığı üçün bu xüsusi hadisə də “Kunduz Super Ay” olaraq adlandırılır.

 

Növbəti super ay dekabrda.

 

Əgər bu gecəki göy şölənini qaçırsanız, növbəti super ay dekabr ayında müşahidə oluna biləcək. Lakin həmin vaxt Ay Yerə bir qədər daha uzaq olacaq və “Soyuq Super Ay” kimi adlandırılacaq.

Alimlər “Kunduz Super Ay”ın 2025-ci ilin ən parlaq və ən təsirli dolunayı olacağını bildirir. Göy həvəskarları üçün bu gecə ilin ən valehedici mənzərələrindən birini təqdim edəcək.

 

TRT XƏBƏR
Eslanda Kulieva